據我觀察，好多沉迷日本二次元文化嘅人都係比較敏感，比較容易察覺人際關係中細微嘅惡意，因此亦好容易被認為小心眼同神經質，然後逐漸變得難同大多數人溝通，「同好」嘅小圈子變成自己嘅comfort zone。
然而，呢種小圈子好多時聚集咗一堆同樣敏感嘅人，於是大家都不斷被當中嘅是非牽動情緒，消耗心神。
到底融入主流會受多啲傷，定係留喺小圈子中會受多啲傷，我都冇一個答案。呢類人之中有唔少才能非凡嘅人，但有啲人會被自己嘅性格特質局限咗發展，只活喺自己世界；而有啲人就因為肯踏出comfort zone，面對危險而廣闊嘅現實世界，成為咗喺主流社會佔一席位，甚至大有成就嘅人。
將喺二次元世界中學到嘅嘢同現實生活結合，好好駕馭敏感呢個特質，發揮心思細膩嘅優勢，人生就會改變。
Search